Lai Siangthou in kimakna
leh kineih nawnna (Divorce leh Remarriage)
bang chi gen a?
Kimakna:
Jesu’n Matt 5:31-32 ah, angkhawmna (sexual
immorality) ziak hilou a kimak ding ana kham hi, Deut 24:1-4 a zi makna dan
kipia pansan in. [1st century hun
lai in kimakna leh kitenkikna nasatak a practice in ana om hi]. Kimak
theihna in a huam khakte kitenna sung lou a kipawlhnate (sexual intercourse
outside marriage) ahi: mi dang zi/numei dang, mi pasal (adultery), kizuak (prostitution),
tanau lua kitenna (incest), nu-le-pa
sanggamte tate (cousin), homosexual-
pasal-le-pasal (gay) leh numei-le-numei kipawlhna (lesbian), ganhing sex
neihpih, leh ginna kibatpih louhte (Lev 18:20-24). Kua hiam in zi angkawmna lou
a, a mak leh a zi angkawmsak (Matt 5:32) ahi a, kimakna diklou ahi. Jesu thugen
in a etsak tuh kitenna damsung daih ding (lifelong
or permanent) chih ahi. Huaiziakin,
Jesu Khrist in angkawmna ziaka zi mak theihna gen mahleh thupiak ahikei a (not command and nor require), dan toh
kituak a phal(permit) ahi. Angkhawmte
khen or mak teitei ding chihna a omkei, himahleh Khrist in hon ngaihdam banga
kingaidam a, a khialtu pen a kisikleh kimak chih hih a solution hoihpen ahikei
hi. Himahleh, a khialtu kisik tuan lou a, a om dan a khektuan keileh Lai
Siangthou hon sinsakna banga mak theih ahi chih phalna i muthei hi. Mak teitei
or poimoh teitei chihna hilou in, a condition zil a phalsak chih ahi lel hi.
Huaiziakin, zi or pasal angkawm in omta lehleng kingaihdam a kimak or kikhen
sawm louh teitei dinga panlak ding ahi.
Kineihnawnna
(Remarriage)- Zi angkhawmna lou a khen in a zi
angkhawm sak asuak a, kuahiam huai zi maksa kitenpih tuh angkawm ahi chiin Matt
5:32 in ana gen hi. Himahleh, angkawmna a zi ma in zi dang akitenpih leh
angkawm hilou ahi. If the divorce is
legitimate, then remarriage is legitimate (vice versa). Deut 24:1-4
pansan in, pasal in zi ma a, certificate of divorce “makna lai” a piaksa zi in,
pasal nei a, a pasal in ma-nawn in makna lai piak nunga a pasal a sih leh,
pasal masa toh tua numei akiteng thei nawnkei, Toupa mai ah thil kihhuai ahih
ziakin ana chi nawn hi. I Cor 7:39 in, “Zi jaw a pasal a dam laiteng hen ahi; himahleh, a pasal a
sih aleh, a deih peuh a nei thei ding a, ahihhangin Toupa a om mi ahi ding ahi” ana gen a, pasal tung ah leng apply theih mai dingin ka ngaihtuah hi. Zi a pasal a sihleh pasal
dang a neithei hi.
Judate’n
kimakna lai (A certificate of divorce)
bangziaka Mosi in a na piak a chi uhi (Matt 19:7), Jesu’n na lungtang uh a tak
ziak a chiin a dawnga, himahleh Pathian in a abul apan kimakna lai piak ding
ana chikei a, kitenna damsung a ding (permanent) a hi chiin a hilh hi. Mosi in
Judate’n Pathian thumang lou a kitenna thukhunte a palsat ziak ua Mosi in hiai
bang case te sai/deal na dinga ana piak mah ahi.
Dawngtu: Kapsuanmung
0 Comments