Mikhial kuamah Pathian
zong omlou ahihleh bang ziaka piangthak lou mi tampite biakinn kai uh ahia?
Pathian
in amah zong ding leh siangthou a bukim a thumang dingin hon deih in thu hon
pia a himahleh mikhial in Pathian zonna (seeking)
hihtheihna (ability) i neikei chih
Rom 3:10-11 ah hon sinsak hi. Hiai hihtheihna (ability) mikhial in Pathian zongthei or zuanthei leh zong theilou
chih 4th century lai a theological issue liantak Pelagius leh
Augustine in ana nei uhi. Pelagius
in kizuanthei or zongthei chi a, Pathian in hih dinga thu hon piak leh hih
theihna ability i nei chihna ahi a chi hi. Tulai a mi tampite panna mah ahi.
Pathian in hih dinga hon thupiak ahihleh ei mah a hihtheihna (capability) om hiding ahi, hikeileh thu
hon pia lou ding ahi chiin amau assumption
(dik chihna hilou) agen uhi. Augustine
in khelhna khovel ah hong lut ma in hihtheihna (ability) Adam leh Eve in a nei ua, himahleh khelhna hong lut
chiangin Pathian zontheihna, a thuman theihna ability i nei nawn kei uhi,
khelhna ah saltang, khelhna ziaka taksa kahiang tengteng a zelhsuak ziakin achi
hi.
Mikhial
gingtu hiloute’n Pathian i zong theikei uhi, Rom 3:11 a chiang huntawk hi.
Ahia, mitampi, i lawmte bang Pathian zongin kikhawm uhi. A chihleh hiaite bang
chidan hiding ahia? Thomas Aquinas in tuh Pathian zong ahikei ua himahleh
Pathian apan muhtheih ding hamphatnate; kipahna,
haksatna apan suahtakna ding, lungmuanna ding, etc te zong ahi zaw uh achi
hi. Great American theologian Jonathan Ewards in, “mikhial in Pathian lunggulhna a neikei, Pathian kianga pai utna taktak
aneikei, Pathian a zong kei hi. Himahleh,
Kha Siangthou in hihhinga khelhna apan a hotdam chiangin Pathian alungtang
taktak in a zongtheita uhi” a chi hi. Ban ah, Khristiante a dingin Pathian
zon leh a kumpigam zon tuh a nasep pipen ahi a chibeh lai hi.
Huaiziakin,
Lai Siangthou tungtawn leh Pathian thu thei mahmahte apan in kuaman Pathian a
zongthei kei, zong leng a kizong kei hi chih i muthei uhi. Mi kuahiam piangthak
taktak lou a biakinn kai a kikhawm om uhi. Amaute zon tuh Pathian ahikei a himahleh
Pathian apan hamphatnate, lunggulhna, minthanna leh amau mimal kipahtawina ding
zong ahi zaw uhi. Lehlam ah, Pathian in huchibang mite kiangah leng kilak zel in a hinkhua uh a khek lamdang thei chih mangngilh louh ding ahi. Ban ah, mi khenkhat Pathian zong kichi mahle uh a
Pathian zong uh Pathian hing Jacob, Abraham leh Isaac Pathian ahikei a, amau
bawltawm pathiante amau deihdan lemsakpih pathiante zong ahizaw uhi (Hindu, Buddha, etc).
Dawngtu: Kapsuanmung
0 Comments