Pathian in mi tengteng a
kikim/kilual in a it mah hia?
Na
zi/nu, na sanggamte na it dan tehna (quality
and degree) toh mi dang na lawmte, na saptuampihte na it dan a kibang
diam?? No, kibang hetlou ahi. Pathian in mi tengteng it mah hia? Hi, it. That’s
right! Himahleh, mi tengteng a kikim/kirual/kibang in a it kei hi (he doesn’t love everyone in the same/equally).
Bang ziakin i chihleh gingtute tuh Khrist moute (Kil 19:7,8; 21:9-10) i hi ua,
a mou hiloute sangin a moute a it zaw tham ding a chiang hi.
13th
century lai a Italian theologians minthang Thomas Aquinas in itna a term in
“benevolence” (bene volere- good willing) deihsakna/hoihna/migitna
in ana gen hi.
R.C.
Sproul in a laibu gelh “God’s Love”
ah Pathian in mihingte a itna chi 3 in ana khen hi:
(i) Love of benevolence:
Pathian in a thilsiamte tunga deihsakna,
ahoihna leh migitna itna ziaka taklatna genna ahi. Jesu pianna toh kisai in
Luke 2:14 ah, “… Amah
angvante/deihsakna/hoih deihnate tungah lemthu leng hen” chih bang ahi. Mi
tengteng in akirual a tan uh Pathian itna ahi hiai itna. Gen dan dangin, hehpihna
vantang (common grace) tuntawn a
Pathian itna thilsiamte tan dinga a deihsakna ahi.
(ii) Love of
beneficence/providential: Pathian’ hoihna mi tengteng
mikhial/khialloute tunga vualzawlna tuamtuam (The
primary difference between benevolence and beneficence is the difference
between willing and doing) a tante uh genna ahi. Matt 5:45, “…aman tuh migiloute
leh mi hoihte tungah a ni a suak saka, mi diktatte leh diktatloute tungah leng
vuah a zu sak.” Hiai vualzawlnate tanna
ziak tuh Pathian’ hehpihna vantang tungtawn mah ahi. I hoih ziak hiam a
lohkhiak ahikei himahleh Pathian hehpihna thilpiak ahi zaw hi.
(iii) Love of complacency
(God’s intra-trinitarian love between the Father and the Son)- Complacency thumal “mahni kipahtakna” self-satisfaction
chih himahleh theological term in Pathian, Jesu Khrist tunga lungkimna ban ah,
Jesu tungtawna gingtute tunga lungkimna ahi. Pa in Tapa Jesu Khrist a itna,
Jesu’n nungzuite a itna genna ahi. Jesu baptisma tanna Luke 3:22, “…. Nang ka Tapa
deihtak na hi; na tungah ka kipak mahmah, a chi a” a pansan hi.
Hiai
love of complacency tuh God special love Pathian, Jesu leh gingtute
kala a kizopna covenantal love genna
ahi. Ginglou/piangthak loute kianga Pathian itna hilou ahi chiin agen hi.
Hiai views teng banah views dang khenkhat theologians tuamtuamte’n
a pia lai uhi. R.C. Sproul in Pathian’ itna (divine love) chiangtakin chi 3 in a khen hi. Kei leng chi 3 in ka
khen hi;
(i) God providential love-
Pathian in huam khaklouh neilou in mi tengteng it vek hi. Matt 5:45, “…aman tuh migiloute leh mi hoihte tungah a ni
a suak saka, mi diktatte leh diktatloute tungah leng vuah a zu sak.”
Hehpihna vantang tungtawn a mi tengteng a dia thilhoih deihsak in,
vualzawlnate, nisa leh vuahte pia hi.
(ii) Love of complacency
(God’s intra-trinitarian love between
the Father and the Son)- Pa in Tapa Jesu a itna, Tapa in Pa a itna, electing love, Pathian in a mite
hotdamtate itna, covenantal love ahi
a, hotdamloute tan ahikei hi.
(iii)
God’s love for his people-conditioned on obedience- Pathian a
hotdam a om, Khrist toh kizopna neite a thuman chiang ua itna huai tuh a ziak
nei a itna genna ahi. Jude 21, “Khantawn hinna neihsakna khop i Toupa Jesu Krist hehpihna
tuh ngak kawmin, Pathian itna a kikem hoih un.” Jesu a nungzuite a itna a om gige dinga genna John 15:9-10, “Pan kei hon it bangmah in kon it hi; ka itna ah om gige un. Nou ka
thupiakte na zuih uh leh ka itna ah na om gige ding uhi, ken ka Pa thupiakte ka
jui a, a itna a ka om gige mah bangin.”
Huaiziakin, Lai Siangthou apan i muh bangin Pathian in mi tengteng
a it (in one sense), himahleh mi tengteng a kikim/kirual (equal/same) in a it
kei hi.
Dawngtu: Kapsuanmung
0 Comments