Thil hihkhelh a om chia
mihing hihna zal a khelhtheih mah hi kichi zel pen ahithei mah a diam?
Hi, hotdamta himah
lehang bukim nailou leh bukimlouhna khovel a khosa i hih lai man un, mihing
hihna zar in kikhial thei mah ahi. Himahleh, mihing hihna zal a khial thei mah
ka hi chi a khelhna hihtheina license i nei kei uhi. Phetou in, khelhna hih
theihna granted a la in khelh sawm gige ding chihna ahikei hi. Banah, i
khelhnate compromise/excuse ding chihna leng ahi tuan sam kei hi. Paul in Romte
kianga laikhak (Rom 6:1-2), “Bang i genta dia
leh? Hehpihna a khan sem theihna dingin khelhna ah i om nilouh ding ua hia? Om
nilouh lou hial ding. Eite khelhna lama sisa, khelhna ah bangchin i hing thei
lailai dia?” Gingtute khelhna hih gige a,
khelhna toh khosa khawm thei gige lou, neitu kikhekta i hih dan hon hilhchian hi.
Pathian
hehpihna ziaka hotdam hita khelhna hihkhak theih, himahleh khelhna hih poisa
lou a hih theih gige chihna ahikei hi. Pathian
hehpihna ziaka hotdam i hi ua, tua hehpihna granted a la a ei ut dandan a om in,
khelhna hih gige ding chihna ahikei hi. I
John 3:6 in, “Kuapeuh amah a om atakhial nilouh kei hi. Kuapeuh a takhial in
amah mu kha ngeilou in, thei kha ngeilou hi” ana chi ahi. Hotdamtate’n
khial thei nawnlou or khial nawnlou ding achi kei a, himahleh, a khial gige kei
ding a chi zaw hi. Huaiziakin, hotdam ka hi chi a khelhna hih zongsang a,
khelhna hih nuamsa mi tuh a hotdamna a ki-etthak ngeingei ding ahi.
Dawngtu: Kapsuanmung
0 Comments