Thukhun Lui a mite bang
chi banga hotdam a om uh ahia?
I
theih masak dinga ka deih tuh hotdamna lampi khat kia a om hi. Huai tuh
Pathian’ hehpihna kia, Khrist a ginna tungtawn kia ahi. Thukhun Lui a hondamna
lampi dang khat a omkei a, huai toh kibang lou deuh hotdamna lampi Thukhun Thak
a, a om tuam kei hi. Om bang hitaleh Gospel dang another gospel ahiding ahi.
Jews te dia hotdamna lampi tuam leh Gentelte a dia lampi tuam om bang hileh,
vangam paina dinga lampi 2 om chihna suak ding hi. John
14:6 ah Jesu’n, “Keimah tuh lampi leh thutak leh hinna ka hi; keimah a pai
lou kuamah Pa kiang a tung ngei kei” ana
chi hi. Thukhun Lui hun in mihingte Pathian’ hehpihna
kia leh Khrist hongpai ding gal-et in (looking
ahead/forward to the coming of Christ) ginna tungtawn a hotdam ahi uhi. Ei
leng Jesu hongpaina nung etkik (looking
back) in hotdam i hi uhi. Paul in Matthew or John te ginna example ana pia
lou in OT a, Abraham ginna a siamtansak a om chih example NT ah ana pia hi,
hiai in OT leh NT a hotdamna tuh ginna a
siamtansak ahih dan a ensak hi. Abraham tuh ginna a diktat a pom ahi (Gen
15:6; Rom 4) banah, ginna a Abraham, Mosi, leh ginna pa chih a omte
siamtansakna Heb 11 in a gen chiang mahmah hi.
OT
mite, nang leh kei banga ginna a hotdam ahi uhi. Mi dang kuamah kiangah hotdamna a om kei, van
nuai a, mihing sak lak ah, hon hondam ding min dang himhim a om kei, a chi a (Nas 4:12). Pathian khat kia ahi a, Pathian toh kal a
palai (mediator) khat Jesu kia ahi. Jesu’n OT leh NT mite khelhna apan ahon
tankhia hi. Huaiziakin, OT leh NT a hotdamna tuh hehpihna ziak, Jesu Khrist a
ginna tungtawn kia ahi.
Dawngtu: Kapsuanmung
0 Comments