Khristiante' Pathian (YHWH) lamdang (unique) dan
Deut 6:4-5 a Hebrew thumal “echad” (One)
a khiakna diktak sut masa in, a Pathian hihna Pathian (YHWH) mission sembuching dinga Jesu Khrist
(YHWH-SHUA) hongpaina (advent/extension),
Ex 3:14 a “Kei a Ompa Ka Hi” (I AM WHO I AM), Isai 7:14; 8:8 cf. v. 10 leh Matt
1:21, 23 a “Immanuel” ban ah Matt 28:20 a preposition
“with” apan khamuanna thuchiam i sut ding hi.
Background of Deuteronomy
Deuteronomy
laibu tuh Mosi in Dan tuamtuam a piakte beina ahi a, hiai laibu tuh Mosi in
Israelte khang nihna (second generation)
amah tellou a Canaan gam lut dingte a kisakkholhsakna ahi. Bang ziaka kisakholsak
hiam i chih leh kum za (centuries)
bang zah hiam Canaan mite, leh a pathiante uh (Baal son of Eli, Asherah) toh kimaituah a gal nei (battle) ding ahihziak uh ahi.
Huaiziakin, a kim leh kiang ua pathian tuamtuamte (Canaante pathiante; Pantheon, Egyptian pathiante; Amon-Re, Babylon
pathiante; Marduk, etc) om mahle uh nou (Israelte)
Pathian tuh Pathian diktak omsun ahi chi a theihsakna (remind) ahi.
Deuteronomy
6:4-5 a “Shema” tuh Israelte biakna leh sahkhua a kingakna bulpi leh hih ding
ua (fundamental truth and duty)
poimoh mahmah ahi. Huai tuh “Toupa na Pathian uh Khat, Amah kia na it Ding uh”
chih ahi. Hiai mahleng Jesu Khrist in Tanchinhoih Mark 12:29-30; Matt 22:37;
Luke 10:27 ah ana sinsak thak hi. Huan, Deut 6:4-5 pumpi poimoh mahleh a vek in
i sut kei dinga, hiai tang a Hebrew thumal poimoh mahmah “echad” a khiakna
“khat kia” (meaning ‘one’) i en ding
hi.
Pathian “Khat Kia” bang
chihna ahia?
Hebrew
pau a “khat” genna thumal “echad,” “yachid” leh “bad” te akizang
tangpi hi. Huan, yachid (only) tuh echad (one) root apan lakkhiak ahi. Himahleh,
Pathian genna in yachid (singularity or oneness) akizang ngeikei
hi. Deut 6:4-5 a “khat” genna in “echad”
(One) kizang hi. A chihleh echad bang ziaka zat a om? Bang gen ut
nei a? chih dotna poimohtak ahi. A gen uttak theihna dingin “echad” kiletkhiak dan tuamtuamte (interpretations) et a ngai hi:
(i) Cardinal number “one”
- 1, 10, 100, chi a sim, a tamdan genna a kizang ahi (Gen 1:9; 2:21; 3:22;
42:11, 13). Gen 1:9, “Let the waters below the heavens be gathered into one
place.”
(ii) Ordinal number “first”-
1, 2, 3 chi a abanban a kivolhdan sim a khat (Gen 1:5b; 2:11; 8:5b) genna ahi.
Gen 8:13, “In the six hundred and first year, in the first month on the first
of the month, the water was dried up.”
(iii)The same, one and the same- “Toupa’n
ngai dih ua, mipite pumkhat ahi ua, a vek un lah pau khat a nei ngal ua…”
(Gen 11:6). They both had a dream the same night (Gen 40:5). Pharaoh’s dreams
are one and the same (Gen 41:25).
(iv) Singularity or Oneness/Singleness- Inn
khat a nek ding (Passover- paikan ankuang) ahi (Exod 12:46a). Other places Num
13:23; I Kings 8:56b; Isa 51:2; Zech 3:9).
(v) Uniqueness- chituam/lamdang
tungtuanna- “… Pathian in amah mite dinga a tatkhiak,
na mi Israelte bang himhim khovel ah nam dang kua a om a?” “Who is like
your people Israel, a unique nation” (2 Sam 7:23). Other ref.: Zech 14:9; Song
of Solomon 6:9a.
Deuteronomy
6:4-5 a “Shema” in “Toupa na Pathian uh Khat (echad) ahi” a chih pen abikin Judate’n a theikhial (misunderstood) ua, Pathian khat kichi tuh
khat kia (singularity of God- YHWH) genna in thei ua huchidan in a kisinsak
uhi. Huaiziakin, hiai monotheistic
lungsim a neih ziak un a lungsim ngaihtuahna uah Pathian dang himhim in mun (room) a neikei a, Jesu Khrist leng Pathian
hidingin Judate leh Anti-Trinitarian te’n a pomthei kei uhi.
Himahleh,
“Toupa na Pathian uh Khat” in agen utpen ahihleh:
1. Na
Pathian (YHWH) uh chituam vilvel, a lamdang (uniqueness) Pathian ahi.
2. Na
Pathian uh gamdang pathiante toh kibang lou ahi.
3. Na
Pathian uh Pathian taktak ahi (purely
divine).
4. Na
Pathian uh “khat” kichi in Pathian khat or khat sanga tamzaw (singularity or plurality) toh kisai agen
kei.
5. Na
Pathian uh a siangthou (Holy)
Pathian, amah leh amah a kithei “YHWH” (Ex 3:14, “I AM WHO I AM”) Pathian ahi.
Hebrew thumal אֶֽהְיֶ֑ה “hayah” (“to be” or “I will be” or “I
AM”) tuh a context Ex 3:12 et in, “na kiangah ka om [ding]” (I will be with you[present] “ehyeh immak”) chi a, a Pathian hihna
kigen leh a thuchiam et in a lehkhiak theih hi (God’s nature, character and essence of the promise).
Kei tuh a siangthou (I AM holy), a tuam vilvel ka hi (I AM a different gene of God), a taktak a om
(exist), na kiang ua om gige pa ka
hi, Pathian thil hihthei nasemtu ka hi (I AM the one who acts). Huan, Hebrew a Ex 4:13 gendan, “aw
Toupa midang sawl in,” 33:19, “ka hehpihpih ka hehpih dinga, chitna ka etsaksak
ka chitna ka ensak ding,” chihte in ahihna agen hi. Na Pathian uh tuh a om
taktak ka hi a, koi munpeuh ah ka hon sawlna ah ka om ompih gige ding. Huan, kei Israelte Pathian bangkim hihthei, thuneipen, bangmah
thildang toh teh theihlouh, hihna bukimtak suisuah vuallouh, theihzoh vuallouh,
hihna chituam vilvel nei, amah leh mah a om (self-existence), munteng a om, kikhektheilou leh kua dang poimohlou
(self-sufficiency) na kiang ua om
gige ding ka hi a, ka thuchiam a muanhuai leh ginom Pathian ka hi a chihna ahi.
Huaiziakin, Pathian (YHWH) tuh theological, historical leh khuak pilna
leh ngaihtuah siamna (metaphysic)
terms or thumalte a theihsiam theih ahikei a, himahleh hun paisa a, a nasepte (mission) apan Pathian dik ahi chih
gamdang pathiante apan i thei uhi.
Pathian (YHWH) tuh a nasep (mission) tungtawn in a kithei hi, a mission tuh khovel a mikhialte honkhia or tankhia (save) dingin tapa Jesu Khrist, (YHWH-SHUA)
Immanuel “I kiang uah, Pathian a om” (Matt 1:23) in
hongpai hi (advent/extension). Pathian a mi thumte lak a khat Jesu tuh hong
kingainiam in mikhialte honkhia a Pathian’ mission
sembuching dingin mihing hong suak hi. Huaiziakin, Jesu tuh YHWH-SHUA ahi a, NT
a hongpai in mikhialte tankhia a Israel thak (new Israel from both Jew and Gentile) tun ding na dingin (Jesus is YHWH’s eschatological extension to
yet again execute to create an eschatological Israel to his universal rescue plan (redemptive plan) hong si hi.
Pathian (YHWH)’ mission
leitung a mikhialte hotdamna dinga hongpai, a min tuh JESU [(save), (Matt 1:21), OT ah YESHUA/ JOSHUA
(in Hebrew)], huan Zawlnei Isai in Messiah
interpretation na Isai 7:14 (translation supplies by the LXX of
Isaiah 8:8 cf. v. 10) a genkholhna bangin naungek min tuh “Immanuel” [ע ָמּנוּ ֵאל , lit. “Pathian i kiang ua om” (God with us-
μεθʼ ἡμῶν ὁ θεός)] ahi (Matt 1:23). Pathian
(YHWH)’ mission sembuching dingin
Jesu Khrist (YHWH-SHUA) hongpai in amite hon hondam hi. Huan, Jesu leh Immanuel
tuh mi kibang ahi. Immanuel ahihleh “mimal min” (personal name) ahikei a, himahleh a nasep dite hilhchetna min piak a
hizaw hi (descriptive of the task this
person will perform). Huaiziakin, Jesu’n a mite khelhna ua kipan hondam
dinga nasempa (mission) tuh Immanuel
na chi ding uh, Amah tuh Pathian (YHWH-SHUA) ahi a, a hotdamte a ompih gige ding
ziakin ahi chih ahi.
Matthai
28:16-20 a Jesu Khrist in a nungzuite kianga “Thupiak Thupipen” (Great Commission) a piakna a v.20, “Na
kiang uah ka om gige ding” chih toh a tunga i gente “Immanuel” (Isai 7:14, 8:8,
10; Matt 1:23) min khiakna toh a kituak leh kimil (correspondent) hi. Pathian in, “Na kiang ua ka om gige ding” a chih
chiang zawsem a i theihna dingin Matt 28:20 a, preposition meqV (from μετά ) sut a ngai hi. meqV tuh genitive case ahihman in “with” (toh/leh) and “accompany” (kithuahpih) in akiletkhia
hi. Dotna, “Kei na kiang uah ka om gige ding” a chih bang genna a?
Preposition meqV “with” apan Pathian in a gen ut tuh;
Noute’n ka thupiakte zui a nasep dinga kon
piakte nasep uhleh noute toh ka om dinga, na lak uah ka hong tel gige dinga, na
paina peuh uah ka hon zui ding hi (Mark 3:14; Matthew 26:69, 71; Luke 22:59, cf. Mark 5:18). Tu hun mahmah (present) a hon ompih ding, hon makaih a
lam hon hilh ding, tung lam apan hon panpih (divine assistance) ding ka hi (John 3:2; 8:29; 16:32; Nas 7:9; 10:38; 14:27; 15:4; 2 Cor 13:11; Phil 4:9), dah a na lungkham hun chiang un, noute toh
kithuah a hon ompih ding ka hi (1 Tim 2:9; Heb 12:28) a chihna ahi.
Verb
συνοδεύω “accompany”; hiai verb root
word kizatdan tuamtuamte apan muhtheihte:
Noute’n
ka thupiakte na zuih uhleh na paina tengteng uah noute toh lampi kibang (same path) in ka hon paipih ding hi [(travel together with) Luke 2:44]. Noute
theihna (knowledge and information)
ka hon kikoppih (share) dinga
pilvangtak in ka hon makaih ding hi. Noute toh ka tengkhawm dinga lam chiteng
ah ka hon panpih in kon lamtou ding hi. Noute toh ka om dinga, na kampau uhleh
mi dangte toh na kihou chiang un leng ka hon kithuahpih ding hi (Nas.10:27).
Luke 12:12 a Jesu’n, “Kha Siangthou in a huntak in na gen ding uh a hon hilh
ding” achih dikna ahi. Noute toh kizopna thuktak (intimate relationship) ka nei ding hi (I Pet 3:7). Noute thil
hoihlou na zak chiang un leng apoimohte kana kaikhawm dinga na pilvang na ding
un ka hon makaih ding hi. Thu dik leh diklou hon theichiansak ding chihna ahi. Noute’n
thil na theihsiamna ding un ka hon panpih dinga, mun haksa, hun haksa lak ah
leng ka hon panpih dinga hangsanna leh mahni kimuanngamna ka hon pe ding hi.
Pathian
(YHWH-SHUA) tuh gingtute lak ah a taksa mahmah in tel kei mahleh, a nungzuite
kiang ah ka Kha a hon ompih ding ka hi chi in a khamuan hi. Hiai thuchiam tuh
Ex 3:14 apan ahihna apan a chiang hi. Jesu mahmah leng Ex 3:14; Deut 6:4-5 in a
om hi (YHWH-SHUA). Yeshua/Joshua/Jesus khiakna tuh “hondam” chih ahi. Huai
kawmkawm in “hayah” (I will be) leh
Immanuel “Pathian eite kianga om” in hon hondam kia hilou in, a thupiak a mission nasep i zutzop a, Jesu business a i buai leh, hun tom chik sung
kia hilou “kei khantawn in, khovel tawp pha in leng (until the end of the age) ka hon ompih
ding” a chi hi (Hon ompihna dingte a
tungah i taklang khinta). Hiai thupiak leh khamuanna thu tuh nungzui 11 te
kiang kia a piak ahikei a, hun hong paizel dinga Jesu nungzuite tengteng kianga
leng piak ahi. Huan, hiai banga khamuanna thuchiam tuh Jesu Khrist hongpai nawnma
tandong ding ahi. A thupiak i zuih leh ni khat lel leng ei kia in hon
nuse kei ding hi. Hiai banga a lamdang i Pathian in a nasep sunzomte hon
khamuanna thuchiam hon chiam nak muanhuaina tel e!
Kapsuanmung
0 Comments