WHAT IS REFORMED PREACHING?

 

 

Pathian thugenna toh kisai in thugen dan tuamtuam; expository, textual leh topical sermons om a, a hun leh mun (events), biakna program zil in akigen zel hi. Hiaite lakah expository sermon tuh a deihhuai pen leh Lai Siangthou giltak sutna dinga poimoh pen, sinsakna diklou a pan bit pen ahi a, ban ah textual sermon ahi. Huan, Lai Siangthou sunga Pathian’ thute omzia neitak (systematical) leh diktak a hilhchetna (exegesis and expound) piak chianga thugentu in thil poimoh bang zah hiam thugenna sermon a telsak ngeigei ding leh a theih dia poimoh thil bangzah hiam a om hi.

 

Dr. Joel Beeke, president of Puritan Reformed Theological Seminary, Grand Rapids, Michigan in a laibu gelh, Reformed Preaching ah Reformed preaching toh kisai chiangtak a ana gelh, thugentu in Lai Siangthou apan Pathian thugen didan or telsak ngeingei dinga a deih thil poimoh 4 essential elements te ka hon taklang ding.  

 

Reformed Preaching tuh:

1.     1. Biblical: Thugentu in Lai Siangthou mah pansan agen ding ahi. Pathian in Lai Siangthou a ei theih dinga poimoh a sak, hon piakte mah thuktak a sut a, hilhchetna piak ding ahi (It should be thoroughly biblical, repeating and expounding on what God says, not man says). Huai dingin exegetical study a poimoh hi. Hiai tuh Reformed preaching kingakna (foundation) ahi.

 

2.      2. Dogmatic: Reformed preaching hoihtak a zui thugentu in tuh Pathian thugin giltak sinsakna (doctrine) a sinsak hi (It always instructing the mind). Lai Siangthou text teng ah thugin sinsak om ziakin ahi (Eg. John 3;16- doctrines of God, love, Son of God and faith). Mi khenkhat in thugenna ah thugin sinsakna a khentuam nak ua, himahleh akikhen thei kei, thugin sinsakna tellou in Pathian thugen a bukim zoukei hi.

 

3.      3. Experiential: Reformed preaching hoihtak a zui thugentu in tuh Pathian thu, Gospel poimoh kinna thathoutak, hehpihna toh itna (passionate), thumkawm a Kha Siangthou thil hihtheihna akinga kawm, Pathian toh kizopna hoihtak nei, amah mimal khelhnate thei kawm in Pathian hehpihna, mahni hoihna, kiletsakna leh mahni kipoimohsakna leh deihdante hihlum in, Pathian thu a kipumpiakna (devotion) toh agen hi.

 

4.      4. Practical: Reformed preaching hoihtak a zui thugentu in tuh lungsim leh ngaihtuahna tankia tun dia thugen lou in kha (soul), lungtang (heart), khut (hands) leh khe (feet)- huai tuh practical tun dingin agen hi. Huaiziakin, Reformed preaching in kha (soul), lungtang khek in mahni hinkhua a practical mahmah a apply na a tun hi. Application omlou in thugenna a bukim kei hi. Jonathan Ewards in tuh thugenna in, “'Vak leh sat' (light and heat) a poimoh- thutak tuh vak ahi a, satna tuh a affect ahi, huai in i hinkhua ah kikhekna tun in nasepna (action) toh i hinkhua hon makaih hi” ana chi hial hi. Huaiziakin, Reformed preaching tuh i pumpi (whole person) kikhekna (change) a tun hi.

K   Ban ah, ken point 1 ka hon behlap ding.

      5. Missional: Reformed preaching in Lai Siangthou; Thukhun Lui leh Thukhun Thak koimuh peuh pansan a thu i genchianga Pathian' hotdamna nasep (mission) mikhialte hotdamna ding thu a telkhak ngeingei ding ahi. Leitunga Pathian mission lianpen leh i nasep dinga I Toupa Jesu'n ahon notsiat ahihziakin (Matt 28:18-20) mangngilh theivual hilou ahi thugenna ah.

      Huaiziakin, Bible mun khat simkhia zual a ut teng ban gen a, Bible tang pansan kichiantak neilou, hilhchetna kichiantak omlou, Bible sung mah a story khenkhat gen kualkual chihte in mipite lunggulhna tan, a khalam dangtakna tan uh pekhe zou ngeilou ding hi. I thugen in mipite nuihna or kipaksak in mi entertain zou mahmah kha maithei a himahleh mipite khalam lunggulhna genkhia lou ding hi. Kikhop top chiangin tuni thugen nuam e, nuihzakhuai e, chi ding ua bei mai ding hi. Thugen a nop ding ahikei a, himahleh khalam phattuamna leh kilamtouhna (insightful and edifying) a tut a, hotdam loute a dia hotdamna tun or kokmuhtu ahih ngeingei (leads to spiritual nourishment and salvation) ding ahi. Huan, Pathian thu ahing ahihman in thuktak a sut a genkhiak ding ahi. Huai dingin, Lai Siangthou sunga Pathian' thu chitak leh kuhkal deuh a gen ding ahi (preach the Word of God faithfully).

 

 

Thugentu in a theih ngeingei dinga poimoh thilte:

1.      1. Thumna toh a kisakkholh ding ahi (Prepare with prayer).

2.      2. Kha Siangthou a kinga ding (dependence on the Holy Spirit).

3.      3. Christ-centered preaching ahih ngeingei ding- A pansan text (both OT & NT) te Pathian in Jesu Khrist a hotdamna nasep hehpihna toh a zomkhawm (connect) teitei ding.

4.      4. Fallen Condition Focus (FCF- spiritual burden of the text) leh a text tup-le-ngim (purpose) a mangngilh louh ding. Huan, a text spiritual burden i theih chianga a solution ding om theipan ahihman ahi. FCF tuh mikhialte hotdamna poimohna nasep, sianthouna leh kinepna (Rom 15:4) ahi. Gendan dang in hodamna leh Christian life.

5.      5. Mipite; naupang, tuailaite, mipiching leh upa lamte tel ahihman in huaite tengteng huamkha vek leh nektheih ding a thu agen ngeingei ding ahi. Huaiziakin, thugenna tuh haksapi ahihman in kisakkholhna apoimoh petmah hi.

6.      6. Mipite (audiences) piangthak leh piangthak lou ki mixed ahi chih a mangngilhlouh ding. Huan, hotdamna leh Christian life agen ding chihna ahi. Thugen khenkhat in hotdamna thu mangngilh a Christian life focus kia agen chiang un hotdam hiloute a dingin kikhekna taktak tun theilou hi.

7.      7. Thugentu in a thugen a contextualize ding. Mipite lehkha siam leh siamlou, secular lam a theihna sangtak nei, mihausa, mizawngte dinmun or context zil a athugen a kisakkholh ding chihna ahi. 

8.      8. Thugentu in mikhial ahi chih a kiphok ding.

        By Kapsuanmung

 

Further reading:

Books:

Beeke R. Joel. Reformed Preaching. Wheaton, Illinois: Crossway, 2018.

Begg, Alistair. Preaching for God’s Glory. Wheaton, Illinois: Crossway, 2010.

Chapell, Bryan. Christ-Centered Preaching. Grand Rapids, MI: Baker Academic, 2005.

Dever, Mark. Preach [Theology Meets Practice]. Nashville, Tennessee: B&H Pub., Group, 2012.

Keller Timothy. Preaching: Communication Faith in an Age of Skepticism. New York: VIKING, 2015.

Lloyd- Jones, D. Martyn. Preaching & Preachers. Grand Rapids, MI: Zondervan, 1971.

MacArthur, John. Preaching: How to Preach Biblically? Nashville, Tennessee: Zondervan, 2005.

MacArthur, John. Ashamed of the Gospel. Wheaton, Illinois: Crossway, 2010.

Mohler, Albert. He is not Silent: Preaching in a Postmodern World. LaSalle Boulevard, Chicago, IL: Moody Pub., 2008.

Piper, John. The Supremacy of God in Preaching. Grand Rapids, MI: Baker Books, 2015.

Robinson, Haddon W. Biblical Preaching, 2^nd ed. Grand Rapids, MI: Baker Academic, 1980.

Stott, John. Between Two Worlds: The Art of Preaching in the Twentieth Century. Grand Rapids, MI: Eerdmans Pub., 1982.

 

Articles:

Beeke, Joel R. “4 Essential Ingredients of Reformed Preaching”

https://www.crossway.org/articles/4-essential-ingredients-of-reformed-preaching/

Shurden, Nate. “What is Reformed Preaching?”

https://gospelreformation.net/what-is-reformed-preaching/